【明報專訊】過去兩日親建制報章報道話有「暴徒」揚言噚日要發動恐襲，話「911必定有重大傷亡」，又話要襲擊黃大仙紀律部隊宿舍，英文官媒亦喺社交媒體報道，拎埋美國911世貿中心遭飛機撞擊嘅圖片。其實Telegram群組早已流傳過呢啲傳言，Emily本住求真精神，噚日再向警方求證真偽，有無跟進有關媒體嘅消息；警方無正面回應事件，但話無具體情報顯示香港可能成為恐襲目標，受恐襲威脅程度仍然維持中度水平。