【明報專訊】有人樂觀認為民主派在區議會選舉有望大勝，不過民主黨九龍西多名社區主任噚日同Emily茶敘（圖）時，都提到區選有唔少隱憂，該黨九龍西立法會議員黃碧雲尤其點出假消息嘅影響。佢提到建制派陣營有唔少假消息流傳，即使係行會成員羅范椒芬都會「中招」；碧雲又舉台灣例子，話50、60歲一輩最大可能中招，而民主黨有一批支持者都係呢個年齡層，故要更多解釋。