【明報專訊】反修例風暴持續，上月北角出現福建幫同示威者毆鬥事件。祖籍福建嘅港區人大顏寶鈴話佢喺孟加拉設廠，上月當地一班福建鄉親搵佢，話要搭飛機嚟香港幫同鄉手，對抗反修例黑衣人，顏寶鈴當堂嚇一跳，立即曉以大義，叫大家冷靜，話如果大家嚟到香港發生衝突，只會令警隊執法更麻煩，成功游說鄉親取消行動。