【明報專訊】特首林鄭月娥宣布完全撤回《逃犯條例》修訂等4項行動，經民聯立法會議員梁美芬噚日喺商台《在晴朗的一天出發》話，自己「用咗好大嘅努力先爭取到橄欖枝」，包括用普通法說服內地專家同特區政府等，又話自己都有接觸勇武年輕人等。言論一出，網民即「大讚」梁美芬「用心良苦」，話原來佢先至係大台！有網民喺佢facebook留言話「原來芬姨您一直有接觸勇武前線，提供協助，我聽了好感動」。