【明報專訊】警方近月執法手段備受質疑，警民關係跌入低谷，英超球會車路士嘅香港官方球迷會噚日喺fb發帖文，話鑑於近日警民矛盾，若有任何會員係現役警員，該會「誠心呼籲閣下退出本會，只要能夠出示委任證，本會會無條件退回會費，並額外附上$5」，希望警員寄回會員證。該會強調此舉同政治立場無關，係畀現職警員嘅「特別安排」。帖文一日內吸逾2.6萬個讚好同「心心」，仲令利物浦同曼聯迷歷史性咁企喺同一陣線。