【明報專訊】星期日（25日）「荃葵青遊行」結束後，有30幾個示威者去到二陂坊同大陂坊，破壞多間被指同黑幫有關嘅店舖，其中一間叫做「中元節文化協會」；第二朝Emily到現場睇吓，發現位於二陂坊11A嘅「中元節文化協會」入面，有好多張電動麻將枱，牆上仲貼住「從2019年1月1日起，所有會員必須現金買碼」通告。Emily查吓民政事務總署個名冊，但就搵唔到呢間協會有「麻將／天九牌照處所」及「會社」牌照紀錄。再查一查，呢間「中元節文化協會」於2015年成立，會長楊桂生係董事兼最大股東，Emily諗住搵會長傾吓偈，但協會內有把男聲話：「日日咁多傳媒嚟，我點招呼得晒？」