【明報專訊】政府正就新一份《施政報告》諮詢公眾，諮詢facebook專頁近期陸續上載局長短片宣傳，噚日勞工及福利局長羅致光（CK）先分享個人趣事，再回應預設提問。CK原來唔止IQ高，自問做嘢仲好快手，佢話試過一個鐘內入咗2000個信封同貼咗2000個標籤；自己由細到大都鍾意行路，小學讀書時，放學間中會由大坑行路返堅尼地城屋企，都行得好快咁話。