【明報專訊】匯賢智庫政策顧問袁彌昌呢排喺反修例運動上成日表態，仲聯署要求撤回修例，同太太、新民黨立法會議員容海恩立場好唔同，袁彌昌噚日同Emily講，佢8月初已經向匯賢智庫主席葉劉淑儀提出請辭，一來唔想令老婆同葉太尷尬，二來亦因為智庫嘅工作停頓。不過，一手招攬袁彌昌、可以話係袁氏夫婦媒人嘅葉太噚日話，「係我炒佢（袁彌昌）嘅，佢做唔到嘢」，又話同袁彌昌喺反修例運動上嘅立場無關。