【明報專訊】特首林鄭月娥公布有意構建對話平台，上周六請咗一班社會賢達去禮賓府畀意見，事後喺fb話唔期望對話能夠輕易解開死結，或者提供問題嘅解決方法。前特首梁振英（CY）噚日繼續喺facebook點評時政，提到「對話」成效嘅問題，佢話有冇成效關鍵係對象，如果對象冇代表性，唔可以「交貨」，對話就會變成街談巷議，唔會解決到問題。