【明報專訊】網上世界不時有假資訊，有時傳來傳去都未必咁易分到真假，民建聯噚日就澄清，話網上流傳一張有關該黨facebook專頁評論周日晚上眼部受傷女士嘅圖片「實為揑造」。而網上另一張廣傳嘅圖就指民建聯會務顧問、全國人大常委譚耀宗話「警射『誤中』眼睛不足為奇，呼籲市民體諒」，譚耀宗澄清自己無咁講，並深切慰問前日所有傷者，希望佢哋早日康復。