【明報專訊】法律界前日遊行要求政府就近期連串衝突成立獨立調查委員會，並反對政治檢控。活躍於社交媒體嘅前特首梁振英（CY），前晚喺fb貼出一張新聞圖片，圖中遊行隊伍有工黨立法會議員張超雄（阿Fer）嘅身影，CY反問「他是律師嗎？」喺CY任特首時做新聞統籌專員嘅馮煒光亦留言質疑「擺明充數」。阿Fer其後發文批評CY發放「假新聞」，強調相片係舊相，自己根本無參加前日法律界遊行。