【明報專訊】反對修訂《逃犯條例》爭議持續，唔少市民星期一都響應反修例者發起嘅罷工，希望以另類方式向政府表達訴求，原來身在獄中嘅佔中發起人戴耀廷亦有響應。新民主同盟立法會議員范國威（Gary）喺facebook話，噚日朝早去咗大嶼山石壁監獄，公務探訪戴耀廷，對方話佢知自己喺星期一都響應咗全港罷工，拒絕獄方安排嘅工作，而因為咁做係違反監獄紀律，所以𠵱家就被囚禁喺俗稱「水房」嘅獨立囚室入面，暫時未知獄方會有咩進一步處理。