【明報專訊】反對《逃犯條例》修例風波未見平息，行政會議前成員林奮強（小圖）噚日談及對局勢睇法，佢話自己同市民一樣，對修例工作感到「嬲嬲豬」，但佢覺得特首林鄭月娥過去嘅民生扶貧工作做得好好，希望公眾畀機會佢。林奮強將林太比喻成「十項全能醫生」，耳鼻喉同心臟都識醫，但「無啦啦走出去幫人整牙」，結果失敗，然而呢個醫生仍能醫到其他病。