【明報專訊】由資深大律師、行政會議成員湯家驊（Ronny）創辦嘅智庫「民主思路」，繼上月聯席召集人麥嘉晉離開後，同樣曾以民主思路牌頭參選2016年立法會選舉嘅黃梓謙（Gary，圖）噚日亦宣布退出；商務及經濟發展局政治助理馮海容都刪去申報民主思路會員。Gary喺facebook話，未有打算加入其他政治團體，亦唔會參與未來兩場選舉，未來希望為弱勢社群付出更多。