【明報專訊】元朗遊行前夕，公眾集會及遊行上訴委員會噚日裁定元朗遊行申請人嘅上訴失敗，兩個上訴人鍾健平同埋巫堃泰喺聆訊完咗，上前同警方兩個Madam握手，其中元朗分區助理指揮官（行政）曹美英呢個時候突然喊咗出嚟，輕拍佢哋隻手，話「公眾安全好緊要」。Emily走去問Madam點解喊，Madam就笑而不語，真係唔知係因為釋懷，定係擔心今日嘅部署喇。