【明報專訊】建制派立法會議員何君堯嘅父母墳墓周二（23日）發現被毁，當日新界鄉議局主席劉業強見記者回應呢件事時，就笑笑口咁答：「如果屬實，以何律師性格，我諗佢已經報咗警，哈」，網上隨即瘋傳呢個畫面。劉業強噚日喺回應本周六元朗遊行嘅記者會上，被問到有無了解何君堯父母墳墓被毁一事，佢就主動趁機解釋，自己當日帶住笑容係因為唔相信有啲咁嘅事發生，以為係講笑。