【明報專訊】反修例運動出現連串警民衝突，曾任傳媒嘅建制派議員陳凱欣，日前同幾個議員與特首林鄭月娥會面，佢噚日喺港台節目話，會上向林太提到官民接觸中斷，同埋傳媒警察關係撕裂等問題，向林太建議派新聞處人員、甚至問責團隊去衝突前線，協助處理傳媒同議員訴求。不過衝突現場風頭火勢，林太近日取消多場原定會去嘅公開活動，唔知有無問責官員敢現身衝突現場呢？