【明報專訊】遊行喺各區「遍地開花」，噚日就到沙田區。一班家長自發喺香港文化博物館外擺「涼茶站」，向遊行者派涼茶同運動飲品。發起人Natalie同Emily講，有40、50個爸爸媽媽每人夾咗200蚊，買涼茶同運動飲品派畀市民；更有人前一晚捱夜煲涼茶𠻹。Natalie話之前嘅遊行湊住細路仔都比較難行，對於今次可以定點咁參加遊行，又可以為市民做多啲，都好開心。