【明報專訊】過去幾星期多次大型遊行，環保組織「不是垃圾站」噚日第5次喺遊行終點回收膠樽，唔少市民根據提示分開樽身同樽蓋，然後將膠樽踩扁先回收。成員黃小姐同Emily講，過去幾次遊行，要用兩架5.5噸貨車先可以將所有膠樽運走，數量驚人；雖然示威者願意自行處理膠樽先回收，「環保意識高咗少少」，但好多人都唔自備水樽，「始終可重用水樽先係最環保」。