【明報專訊】7月1日有示威者闖入立法會，港大法律學者、基本法委員會委員陳弘毅當日發文形容係「暴力衝擊」，點名批評核心成員有大律師嘅公民黨無譴責係「縱容暴力」、視法治如無物；行會成員兼資深大律師湯家驊就形容係「香港失去法治的一天」。法律界議員、公民黨郭榮鏗噚日喺facebook發帖，質問陳弘毅同湯家驊兩個「大人」，「除咗坐响冷氣房打咀炮」，仲做過咩去保護嗰啲比佢哋弱小嘅年輕人。