【明報專訊】警方前晚10點幾喺facebook上載短片，話一批示威者約9點闖入立法會大樓破壞，警方將於短時間內清場；但有網民話，片段中警察公共關係科總警司謝振中戴緊嘅手表顯示嘅時間疑似係5點幾，質疑警方拍定條片。有網民搵番前日高級警司江永祥亦拍片呼籲示威者停止衝擊，片段見到江sir除咗手表，左手有明顯表印。