【明報專訊】除咗遊行，唔同人都用自己方法表達要求政府撤回逃犯條例嘅訴求，民主黨前立法會議員單仲偕（右二）近日去咗馬爾代夫旅行，玩之餘亦不忘發聲，噚日喺當地潛水時同太太及友人喺水底拉起「撤回送中惡法」嘅橫額。Emily問過單仲偕，原來呢塊橫額非常土炮，全塊都係家庭製作，橫額睇嚟有板有眼，但其實係一塊黃色浴簾，佢哋先喺香港用電腦打印A4紙咁大嘅字，去到當地再填色，而填色亦唔簡單，單仲偕話佢哋要買埋油性筆，先至落水唔溶。