【明報專訊】《逃犯條例》修訂事件發展至今，近日開始有人要求重啟政改，民陣召集人岑子杰噚日話，要向G20國家領導人提出「香港人可以實踐民主制度未？」等問題；民建聯立法會議員蔣麗芸（Ann姐）就喺facebook話，岑子杰應該問反對派議員點解反對2015年嘅政改方案。不過佢隨即被工黨駁斥，工黨指當年政改方案係建制派集體「等埋發叔」缺席投票，叫Ann姐應該問建制派議員咁話。