【明報專訊】反修例示威者噚日包圍警察總部等地。喺政府上星期宣布「暫緩」修例前一日，率先表態話覺得稍為延遲修例亦非壞事嘅民建聯立法會議員蔣麗芸（Ann姐），噚日接受now新聞台節目《時事全方位》電話訪問時話，政府加強宣傳《逃犯條例》修訂後，可以考慮重推修例。言論一出，唔少人都嘩然，亦有人質疑佢係「豬隊友」，為泛民「助功」，變相號召更多人上街。