【明報專訊】警察前日面對反對修訂《逃犯條例》示威者，又射橡膠子彈又射布袋彈，有唔少示威青年受傷甚至入院。天主教香港教區輔理主教夏志誠前日喺灣仔主持特別彌撒，佢話從堅道教區中心步行到灣仔聖母聖衣堂時，個心一直流淚，又同咗幾十個留喺金鐘嘅青年傾偈，覺得佢哋理性、和平、克制，「或者你會話佢哋天真，以為人多就會起作用可以推遲逃犯條例」，佢好難過青年被暴力對待，「我從無想像到香港社會點解會走到今日」。