【明報專訊】鄉議局早前換柱，唔少鄉委會主席亦有換人，原本係十八鄉鄉事委員會主席嘅梁福元，之前無競逐連任，其鄉委會主席職位，就由原本係元朗「十八鄉西」區議員嘅程振明接替，程振明變成區議會當然議員，其民選議席則告懸空。十八鄉西及新田選區議席將於7月14日舉行補選，提名期噚日結束，結果十八鄉西只得梁福元報名，當局確認其資格、刊憲後就會正式自動當選，佢同程振明可以說得上係「交換議席」。