【明報專訊】30名法律界選委早前約見特首林鄭月娥傾《逃犯條例》修訂被拒，本身係律師嘅立法會議員何君堯周一就以個人名義，邀請所有法律界選委喺今日同佢辯論。不過選委之一、資深大律師陳景生周三已回信請何君堯「食檸檬」；何君堯未放棄，周四深夜仲喺facebook出post，擺咗張糉嘅相，留言話「有糉等你，唔嚟就無糉㗎啦」。