【明報專訊】聽日就係反對《逃犯條例》修訂遊行，好多人同團體講到明會上街，仲呼籲大家參與。有市民發起旅遊巴「義載」，接送北區、天水圍、洪水橋、元朗同屯門等地區嘅街坊到維園。有北區人話已經加開旅遊巴、超過100名街坊報名，有57歲男街坊更話自從30年前六四事件去維園集會後，就無再參與過遊行集會，事隔30年，為咗《逃犯條例》，再次行出來。