【明報專訊】噚日係「世界環境日」，今年嘅主題係「空氣污染」，港燈董事總經理尹志田（前中）身體力行，相約一眾管理層同事，由金鐘港鐵站行返堅尼地道嘅辦公室，以實際行動鼓勵同事步行上班。尹志田話，由金鐘站行到港燈中心大約要1300步，行吓不但身心更健康，又可以減少碳排放，如果每日行足8000步，減少揸車，一年就可以減少0.6公噸碳排放。