【明報專訊】民建聯領導層4月時換屆，4名副主席噚日搞傳媒茶敘講未來大計。區議會選舉年底舉行，適逢《逃犯條例》修訂引起爭議，大家都關注民記選情會否受影響，中西區區議員、副主席陳學鋒認為，街坊討論修例熾熱程度其實唔高，反而政府遲遲未派發4000蚊，更影響市民對民記嘅觀感，佢覺得政府如果處理唔好，對民記嘅影響可能比條例更大。