【明報專訊】今日係六四事件30周年，支聯會晚上喺維園舉行燭光集會。社民連主席吳文遠噚日喺facebook上載幾張相，其中一張係銅鑼灣港鐵站嘅指示牌E出口、即維園出口，被貼上六四經典相片「坦克人」；而喺一張地圖上就有貼紙，宣傳民陣6月9日舉行反對修訂《逃犯條例》嘅遊行，貼紙仲配上特首林鄭月娥嘅樣；燈柱仲有一款貼紙係前特首梁振英漫畫，以及佢1989年喺報章上譴責中共當權者血腥屠殺中國人民嘅廣告。