【明報專訊】特首林鄭月娥上月出席特首答問大會，畀議會陣線毛孟靜話佢講大話，立法會主席梁君彥隨即將毛逐離場，之後解釋話「講大話」係「非議會語言」。公民黨黨魁楊岳橋（AY）噚日喺facebook發帖，發現立法會秘書處更新《主席手冊》，將「講大話」列為「被裁定為不適宜在議會使用的言詞」，即係話「特首講大話」同粗口一樣，喺議會都係唔准講。