【明報專訊】立法會正審議《2019年撥款條例草案》，財政司長陳茂波出席聽議員意見，但佢開會時一度低頭用電話，因咩事咁唔專心？原來財爺忙住發WhatsApp短訊畀議員為財政預算案箍票。Emily見佢親自打短訊，雖然傳畀議員嘅內容一式一樣，但會逐個改番人名。佢喺短訊中不忘關心議員工作辛苦，仲話「您的肯定，會鼓勵我們整個團隊繼續全心全力為香港打拼」。