【明報專訊】現屆政府好多政策局都有社交網站帳號，例如運房局facebook專頁「運房點線面」，就經常分享局長陳帆出席活動嘅情况。Emily最近見到專頁上載咗局長今個月3號出席「香港船舶註冊年度頒獎典禮」嘅相片，但等咗一陣，以為張相下半截仲未load到，望真啲，原來局長當日著咗黑色西裝、黑色皮鞋，咁啱頒獎禮嘅布景板又係黑色，撞到應，令局長下半身同布景板融為一體，而帖文嘅hashtag係「局長去哪兒」，十分應景。