【明報專訊】上周六立法會修訂《逃犯條例》法案委員會建制泛民混戰，各有人受傷，噚日雙方各自承認嘅委員會再次「撞會」，但議員表現克制好多。上次被指出手推新民主同盟范國威嘅民建聯何俊賢，噚日收口又收手，無做石禮謙「護法」，避開「戰線」；而說話惹火嘅工聯會陸頌雄噚日同區諾軒嘈咗兩句，即刻被大佬黃國健拉走，黃無佢咁好氣咁叫陸頌雄「唉行啦」。