【明報專訊】相信大家同Emily一樣，繁忙時間搭港鐵通常都會「迫爆」，其中西鐵線近年逐步由7卡車增至8卡，但隨住「大西北」人口愈來愈多，西鐵線亦愈來愈擠迫。運輸及房屋局長陳帆噚日回應立法會質詢時就提到，換做8卡車後，2018年西鐵線可載客量比起2016年增加咗8%，但同期乘客量升幅更大，多咗10%，舊年西鐵線朝早繁忙嘅一小時，單向乘客量就超過4萬人。