【明報專訊】近日有人喺facebook群組「唱」元朗區議會副主席王威信，話元朗樓盤發展商私下畀王威信租用10年車位，指控王威信車位租金唔使加租，又話佢「做戲」接橫額、擺街站扮抗議停車場加價。王威信由朝早9點就喺自己fb連出3個post否認同反駁，仲去埋警署報警。Emily問佢係咪「憤怒鳥」，佢話「今年係（區選）選舉年，有人想造謠踩低對手，令自己得分，不過我真金不怕洪爐火」。