【明報專訊】今次《逃犯條例》法案委員會，立法會秘書處因為書面問議員係咪接納內會「DQ」涂謹申嘅指引，被民主派批評為「政變」。民主派噚日就踩上秘書長陳維安嘅房間要求會面，等待良久都未見人。由公民黨黨魁楊岳橋助理營運嘅facebook專頁「810扮工室」就出post，話喺立法會外燈柱上張貼「尋人啟事」，問大家有冇見過陳維安，「此人於辦公時間失蹤，市民甚是掛念，如尋獲請通知810扮工室，無酬」。