【明報專訊】佔中9人案被告之一、公民黨陳淑莊（Tanya）因為發現腦瘤，獲准押後判刑以便做手術，唔少人都非常關心佢嘅情况，Tanya噚日就透過facebook報平安，話已經見咗另一名腦外科醫生，並按照醫生吩咐去中環做顯影MRI，為手術做準備；又同醫學教授面談，進一步了解治療過程。Tanya話自己噚日狀態穩定，反而掛念同案4名被判監、身處荔枝角收押所嘅被告，尤其記掛因為身體不適而需要送院嘅邵家臻。