【明報專訊】大熊貓樂樂同盈盈喺香港住咗超過12年，一直未有細路，海洋公園同四川嘅專家都幾頭痛！海洋公園發言人噚日話，3月下旬開始，發現盈盈玩水時間比平時耐，樂樂就喺佢嘅棲息地留低氣味，同埋有啲嗅探盈盈氣味嘅動作，呢啲行為似乎同大熊貓發情行為脗合，加上盈盈荷爾蒙水平亦有變化，公園獸醫團隊確認，兩隻大熊貓已進入今年嘅繁殖期。