【明報專訊】佔中9人案聽日宣判，被告之一、社民連副主席黃浩銘噚日喺港台節目《城市論壇》上，同「保普選反佔中」大聯盟義務法律顧問馬恩國等，激辯佔中理念同影響。馬恩國席間以求愛不遂比喻佔領運動，強調所有政治訴求都應該喺法律框架之內爭取，話如果有人向心儀對象送花，對方仍唔接受，「唔通非禮、強姦佢？」阿銘反駁，強調非禮同強姦等係為私利，但公民抗命係為公眾利益。