【明報專訊】早前泰國小狗Heaven疑走失後誤坐貨櫃船抵港，被漁農自然護理署帶走，即日人道毀滅，引起唔少輿論爭議。署方同食物及衛生局長陳肇始連日就事件解畫，堅持決定係「基於公眾衛生考慮」。不過，漁護署噚晚突然喺facebook話，已經開始認真檢視海外走失動物嚟到香港之後嘅處理程序同埋方式，檢視期間若果有同類個案，會「停一停，諗一諗」，唔會用相同方式處理喎。