【明報專訊】天文台近年招兵買馬，以應付不斷增加嘅工作量，上年就一口氣招聘十幾個科學主任，台長岑智明噚日同傳媒茶敘時話，呢輪招聘有逾千人應徵，當中唔少更擁有博士學位，競爭好激烈。台長透露，天文台挑選咗百幾人面試，例牌會測試吓應徵者嘅常識，其中一條題目叫佢哋喺一張無字嘅世界地圖點出香港嘅位置，當中有十幾人唔識！