【明報專訊】海洋公園facebook專頁前日貼咗張宣傳照引起網民瘋傳，宣傳照入面有個著白背心、孖煙囱嘅男人摟住另一個男人，好有1997年《春光乍洩》電影海報上張國榮（哥哥）穿白背心、孖煙囱摟住梁朝偉嘅影子。張相有個海洋公園logo，仲加咗句「我想你陪我一下，我好想你陪我一下」，海洋公園小編加埋「#我什麼也聽不到」、「#只聽見自己的心在跳」，啲hashtag用埋《春光乍洩》經典對白點題，最後再補一句「#還有雲霄飛車上的尖叫」。好多網民留言，話海洋公園係咪支持平權，仲問今次出咗「男男」，幾時有「女女版」；亦有網民留言話估唔到海洋公園會咁識玩，以為係假圖。