【明報專訊】民主黨噚日喺將軍澳嘅香港九龍東皇冠假日酒店，舉行24周年黨慶酒會及晚宴，晚宴筵開58席，表演以賓客捐錢畀黨員唱歌為主，政壇地位舉足輕重嘅前主席劉慧卿，就以一曲《上海灘》為該黨籌得50萬元，卿姐更拉埋一眾黨內元老同自由黨前議員，上台陪佢跨黨派獻唱，各人都表現得好開心。晚宴最終籌得420萬元，雖然較去年嘅500萬元下跌，但黨慶籌委會主席袁海文形容已較預期好。