【明報專訊】《逃犯條例》修訂建議引起廣泛關注，華人置業前集團主席劉鑾雄（大劉）2014年被澳門法院裁定行賄罪成，判囚5年3個月，港澳無移交協議，佢一直未有服刑；外間亦關注若《逃犯條例》修訂通過，大劉或會被引渡。民主黨前主席劉慧卿噚日喺網台訪問大劉個仔、華人置業主席劉鳴煒，其間問到劉鳴煒商界點睇修例，劉鳴煒冷靜回應話「唔方便講」，「你又唔係唔識我老竇」， 承認自己無論發表任何意見，都會無咁中立。