【明報專訊】觀塘曾經係本港製造業基地，但近年逐步發展為商貿區，區內嘅駿業街遊樂場最近亦完成改建，成為打卡好去處，命名為InPARK。公園內擺設咗7組本港藝術作品，代表7種本港昔日工業，包括充滿兒時回憶嘅「大鐵人」，攤坐喺大草地陪市民放空，亦有唔同形狀嘅「西瓜波」圍埋一齊，畀市民坐喺上面同朋友傾吓偈。