【明報專訊】噚日喺廿四節氣中嘅驚蟄，雖然全日天雨未停，灣仔鵝頸橋底仍聚滿「打小人」嘅市民同遊客，現場拍打聲不停。有檔主話多年未有加價，每次收費50元，而今年顧客較多，預料生意額增加五成。有內地遊客話專程來港體驗「打小人」，希望轉運，亦有市民「打小人」希望工作順利。鵝頸橋噚日下晝輪候人龍一度長達近百人，警方派出數名警員在場維持秩序，又架起鐵馬實施人潮管制。