【明報專訊】每年兩會期間，民建聯同經民聯都會舉辦晚宴，同喺北京嘅人大代表、政協委員聯誼一番。近年兩會會風愈來愈嚴格，人代被要求早午晚三餐都要留喺酒店內進食，同時必須住喺北京飯店，而兩大政黨同馬會宴請港區人代政協，則喺兩會大會官方批准嘅3場聚會，所以港區人代、政協都非常捧場，好似長和系主席李澤鉅、東亞銀行執行董事兼副行政總裁李民斌等亦有到場。