【明報專訊】近年中港兩地交流日漸頻繁，各界都被要求增加對國家嘅認識，立法會議員似乎都唔例外。立法會秘書處噚日向全體議員發出通告，話秘書處已經訂閱「中國政府資料庫」及「中國共產黨資料庫」，聽日開始可以使用，收錄國家政策、共產黨史上重要人物及事件，以及領導人活動等。為咗令議員同議員助理等增加對系統嘅認識，立法會將於3月7日舉行工作坊，唔知有幾多議員會出席呢？